Koncepti i ndotjes urbane pavarësisht se nuk ka një përkufizim universal lidhet me nivelin e ndotjes ose substancave të dëmshme të cilat në mënyrë natyrale dhe jonatyrale futen në qytete dhe në zonat urbane. Emetime që lidhen me aktivitetet njerëzore si fabrika, industria, sektori i transportit etj., cilësohen si ndotësit më të mëdhenj në këto zona urbane; kjo për shkak të përqendrimit të lartë të njerëzve dhe aktiviteteve në qëndrat urbane. Ndikimi që kanë këto lloj ndotjesh, sjellin sfida mjedisore në nivel global e si rrjedhojë politikat parandaluese apo zbutëse duhet të zbatohen në nivele lokale.